0
comments
gira pathar uTthana paRr raha hai
talluq hai nibhaana paRr raha hai
aziyat hai yeh sanjeeda mizaaj-i
humen khud ko hansaana paRr raha hai
hum us ke paas hain saare ke saare
usse yeh bhi batana paRr raha hai
The post gira pathar uThana paRr raha hai appeared first on Ranjish.com.
main neem shab main sitaron ko dekhta hi nahin
sau ishq jaisa mujhe koi masla hi nahin
woh shakhss jis se mujhe bepanah mohabbat hai
kabhi libas-e-bashar main mujhe mila hi nahin
bas aik baar usse muskurate dekha tha
koi nazara nigahon ko phir jacha hi nahin
ajeeb tarz ki mehroom-iyon se guzre hum
jo zindagi tha wohi zindagi main tha hi nahin
woh ankh jo uthi nahin kabhi hum par
woh aik teer jo hum par kabhi chala hi nahin
bas aik soz-e-daroon tha jo jalta bujhta raha
charagh-e-ashq sar-e-taak-e-chashm tha hi nahin
The post main neem shab main sitaron ko dekhta hi nahin appeared first on Ranjish.com.
khud apne sath usse dekhna museebat hai
juda woh mujh se rahe, yeh juda museebat hai
bohat se qareeb se dekha hai ishq koi maine
bata raha hoon tujhe dostaa museebat hai
yeh habs-e-zaat yeh saye yeh dagmagati lau
meri namoon ko yeh aab-o-hawaa museebat hai
kiye huye to ho sar par sawaar us ko barar
tumhi kaho ge ik din yeh kya museebat hai
The post khud apne sath usse dekhna museebat hai appeared first on Ranjish.com.
tere khawbon main mohabbat ki duhaayi doon ga
jab koi aur na ho ga to dikhayi doon ga
meri duniya main faqat aik khuda kaafi hai
dosto kitne khudaon ko khudayi doon ga
koi insan nazar aye to bulao us ko
use is daur main jeene pe badhaayi doon ga
dekh loon apne girebaaan hi main mu daal ke main
apne halaat pe kis kis ki buraayi doon ga
tum agar choRr gaye mujh ko to yun taRrpoon ga
sari duniya ko gham o dard judayi doon ga
teri hi rooh ka naghma hoon agar miTt bhi gaya
main tujhe dusri duniya se sunayi doon ga
The post tere khawbon main mohabbat ki duhaayi doon ga appeared first on Ranjish.com.
zindagi ne libaas cheen liya
maut ne kam se kam kafan to diya
zindagi darbadar phiraati rahi
maut ne mustaqil watan to diya
The post zindagi ne libaas cheen liya appeared first on Ranjish.com.
main us hawaa ke jhonke ko kya naam doon kiran
dastak diye baghair mere ghar main aa gaya
The post main us hawa ke jhonke ko kya naam doon kiran appeared first on Ranjish.com.
paiRr jo ba-samar nahin hota
woh kabhi moatbar nahin hota
dil se jab tak nahin nikalti hai
baat main kuch asar nahin hota
mujh ko manzil kabhi nahin milti
tu agar humsafar nahin hota
aik dar se jo lau lagata hai
woh kabhi darbadar nahin hota
zakham sab ko bhala dikhayen kyun
har koi charagar nahin hota
main kiran bas khuda se Ddarti hoon
mujh ko logon ka Ddar nahin hota
The post paiRr jo ba-samar nahin hota appeared first on Ranjish.com.
tujh se door hona chahti hoon
chain ki neend sona chahti hoon
The post tujh se door hona chahti hoon appeared first on Ranjish.com.
raat bhar intezar karti rahi
main sitare shumaar karti rahi
yaad ati rahi, teri har pal
aur mujhe beqaraar karti rahi
main woh laRrki hoon jo mohabbat par
sare jazbe nisaar karti rahi
us ne dhoke diye mujhe har baar
aur main aitbaar karti rahi
dil ke behlane ko khizaan rut main
zikr -e- fasl -e- bahaar karti rahi
jis ko ana tha woh aa chuka kiran
khud ko main yunhi khuwaar karti rahi
The post raat bhar intezar karti rahi appeared first on Ranjish.com.
bas aaj waqt par sone ki chaah hai mujh ko
dua karo ke khauf thakan se zeyada ho
The post bas aaj waqt par sone ki chaah hai mujh ko appeared first on Ranjish.com.
har ik baat pe kehne lagte ho pyare baRra masla hai
suno manzil-en khubsurat hain bas rasta masla hai
kaha jab mera masla hai ke ap ache lagne lage hain
woh kehne lage ap ka masla ap ka masla hai
mohabbat mukamal na hona baRra masla hai yaqeenan
ghazal ka mukamal na hona bhi apni jagah masla hai
main har roz laRr kar nikalta hoon wapis na aney ki khatir
magar us ka khiRrki se rote huye dekhna masla hai
sabhi masle hal talab hain magar bhook pehle hai ahsan
mohabbat to insan ka apna banaya hua masla hai
The post har ik baat pe kehne lagte ho pyare baRra masla hai appeared first on Ranjish.com.
ayat sunao sabr ki koi quran se
warna ulajh paRroon ga main sare jahan se
woh bhi safar main thak ke kahin door reh gaya
aur main bhi cheekhne laga ik din thakaan se
woh shaam aj tak mere seene pe naqsh hai
ik shakhss phir gaya tha jab apni zaban se
The post ayat sunao sabr ki koi quran se appeared first on Ranjish.com.
hamari ik ankahi kahani udaas ankhon main reh gayi hai
bhari jawani ki raigaan-i udaas ankhon main reh gayi hai
bichaRr-ne wale ka aansu ab tak hamari ankhon se beh rahe hain
bichaRr-ne wale ki ik nishaani udaas ankhon main reh gayi hai
agar tumhe aj bhi koi gham mile to rona mujhe paRre ga
tumhari kashti ki baadbaani udaas ankhon main reh gayi hai
jo shahzade ke khawb bunti safar main mujh se bichaRr gayi thi
baRre mahalaat ki woh raani udaas ankhon main reh gayi hai
The post hamari ik ankahi kahani udaas ankhon main reh gayi hai appeared first on Ranjish.com.
har dukh mujhe qabool magar yeh sitam na ho
ya rab bichaRr-te waqt bhi woh aankh num na ho
yeh kya ke saari raat kaTe jagte huye
aur phir bas aik sher ho us main bhi dum na ho
yeh kya ke aik dar se bandhe hon tamaam umar
yeh kya ke aik baar bhi nazar -e- karam na ho
yah kya ke sab se daad ke talib ho shayaro
yaani ke woh bhi roye ke jise koi gham na ho
ae kash ke apni jang chiRre us badan ke sath
aur dono samt aman ka koi alam na ho
sansain ukhaRr ukhaRr kar chalen par chalen zaroor
hum main agar judai ho to kabhi aik dum na ho
The post har dukh mujhe qabool magar yeh sitam na ho appeared first on Ranjish.com.
puchte hain ke mohabbat ka bhi khamyaaza hai
mujh se miliye ke mera zakham abhi taaza hai
mere hone ki aziyat ko bhi main janta hoon
is liye teri aziyat ka bhi andaaza hai
The post puchte hain ke mohabbat ka bhi khamyaaza hai appeared first on Ranjish.com.
zulf lehrayi hai kahin us ki
yeh jo kaali ghaTta si lagti hai
The post zulf lehrayi hai kahin us ki appeared first on Ranjish.com.
woh mere ghar jhagaRrne aya tha
khoob nikli hai pyar ki surat
The post woh mere ghar jhagaRrne aya tha appeared first on Ranjish.com.
zindagi ne jawaaz manga tha
sau tere gham se dosti kar li
The post zindagi ne jawaaz manga tha appeared first on Ranjish.com.
agarche main ik chaTaan sa admi raha hoon
magar tere baad hausla hai ke jee raha hoon
woh raiza raiza mere badan main utar raha hoon
main qatra qatra usi ki ankhon ko pee raha hoon
teri hatheli pe kis ne likha hai qatal mera
mujhe to lagta hai main tera dost bhi raha hoon
khuli hain ankhen magar badan hai tamaam pathar
koi bataye main mar chuka hoon ke jee raha hoon
kahan mile gi misaal meri sitamgari ki
ke main gulab-on ke zakham kanTon se see raha hoon
na puch mujh se ke sheher walon ka haal kya tha
ke main to khud apne ghar main bhi do ghaRi raha hoon
mila to beete dinon ka sach us ki ankhon main tha
woh ashnaa jis se muddaton ajnabi raha hoon
bhula de mujh ko ke bewafayi bajaa hai lekin
ganwaa na mujh ko ke main teri zindagi raha hoon
woh ajnabi ban ke bhi ab mile to kya hai mohsin
yeh naaz kam hai ke main bhi us ka kabhi raha hoon
The post agarche main ik chaTaan sa admi raha hoon appeared first on Ranjish.com.
aik jaadu mujhe ata hai, khabar hai tujh ko ?
hans ke beemar ko dekhoon, usse acha kar doon
The post aik jaadu mujhe ata hai, khabar hai tujh ko ? appeared first on Ranjish.com.
ap agar aa ke mujh se mil jayen
zakham jitne hain aaj sil jayen
The post ap agar aa ke mujh se mil jayen appeared first on Ranjish.com.
abhi to zinda hain kehte ho yara kya hoga
hamare baad najane tumhara kya hoga
hamara khud pe guzara nahin hai muddat se
hamare sath kisi ka guzara kya hoga
yeh dekhne ke liye kyun na aik din mar jayen
hamare sath usi din dobara kya hoga
woh jis ke nisf ne pagal kiya hai duniya ko
main sochta hoon haqeeqat main sara kya hoga
hamare naqsh -e- qadam se qadam milao magar
hamara kuch na bana to tumhara kya hoga
zaban lipTi hui hai gale se murde ki
sawal yeh nahin kaise, pukara kya hoga
woh mil ke jaye to lagta nahin mila hai kabhi
agar kinara kare to kinara kya hoga
pehen liya hai usse ankh moond kar maine
wagarna sochta rehta utara kya hoga
na us ko milne main dilchaspi hai na mujh ko magar
hum intezar main hai istikhara kya hoga
jinhe pata tha sabhi kuch woh log bhi na rahe
humen pata hi nahin kuch hamara kya hoga
The post abhi to zinda hain kehte ho yara kya hoga appeared first on Ranjish.com.
dDass gayi muflisi mujhe aa kar
saanp betha raha khazane par
The post dDass gayi muflisi mujhe aa kar appeared first on Ranjish.com.
beemar le ke so gaya goli sakoon ki
temaardar dair talak jagta raha
The post beemar le ke so gaya goli sakoon ki appeared first on Ranjish.com.
bhool gayi main ishq mohabbat bhool gayi
dil pankhe pe rassi Daali, jhool gayi
The post bhool gayi main ishq mohabbat bhool gayi appeared first on Ranjish.com.
woh khad-o-haal mere fun ki gawahi dete
main sukhankar na hoti to musawar hoti
The post woh khad-o-haal mere fun ki gawahi dete appeared first on Ranjish.com.
tum se ik rasam tak nahin tooti
baat karte they tum sitaron ki
The post tum se ik rasam tak nahin tooti appeared first on Ranjish.com.
kisi ke honTon pe ayi hansi ko dukh mat do
kisi ka dil mat dukhao kisi ko dukh mat do
khuda ki marzi samajh kar mujhe bhula do bas
zara si baat pe ab zindagi ko dukh mat do
guzar chuka hai yeh kirdar is kahani se
sadaa-en de ke meri khamshi ko dukh mat do
gali gali main tamasha lagaye phirte ho
jadeed sher kaho shayari ko dukh mat do
The post kisi ke honTon pe ayi hansi ko dukh mat do appeared first on Ranjish.com.
tumhara hijr manaya to main akela tha
junoon ne hashr uthaya to main akela tha
koi hussaini na nikla mere rafeeq-on se
dia bhuja ke jalaya to maine akela tha
The post tumhara hijr manaya to main akela tha appeared first on Ranjish.com.
baat darasal woh nahin thi yaar
woh magar kitni dilnasheen thi yaar
mera baTtwa kidhar gaya akhir
meri ainak yahin kahin thi yaar
khawb rakhe they jis jagah maine
neend rakhi hui wahin thi yaar
jab talak baap mera zinda tha
mere qadam-on taley zameen thi yaar
The post baat darasal woh nahin thi yaar appeared first on Ranjish.com.
aik kohraam bapaa hai mujhe main
jane kya TooT gaya hai mujh main
tum chale aao bina dastak ke
aik darwaza khula hai mujh main
rang -o- khushbu se bhara rehta hoon
tu hai ya phool khila hai mujh main
zindagi tujh ko hai jana jab se
khauf sa beth gaya hai mujh main
main to raazi tha teri bait par
par koi bol paRra hai mujh main
ab wohi thookta rehta hoon main
tum ne jo zeher bhara hai mujh main
dil ke abaad nagar tha bali
ab to veeran paRra hai mujh main
The post aik kohraam bapaa hai mujhe main appeared first on Ranjish.com.
zeher aesa tha kuch zabaan-on main
teer hote hain jaise kamaan-on main
maazrat hai jo meri baat-on se
farq aaya ho tere shaanon main
woh mohabbat to uTh gayi kab ki
tazkara reh gaya fasaanon main
khud ko dekhoon, tujhe, ke duniya ko
zindagi baTt gayi hai khaanon main
tu nahin hai magar teri awaz
ab bhi rass gholti hai kaan-on main
ab khuda bhi kisi ko yaad nahin
paRr gaye log kin gumaan-on main
daaj pyara hai un ko dulhan se
yeh riwayat hai kuch gharanon main
sheher veeran ho gaya sara
log ab band hain makaan-on main
waizon ki suno magar bali
ungliyan de ke apne kaan-on main
The post zeher aesa tha kuch zaban-on main appeared first on Ranjish.com.
har ghaRri karbala si lagti hai
zindagi ab saza si lagti hai
baat us ke lab-on se nikle to
narawaa bhi rawaa si lagti hai
dil kisi tarah manta hi nahin
par mujhe bewafa si lagti hai
zulf lehrayi hai zaroor us ki
yeh jo kaali ghaTta si lagti hai
Aesi qismat mili humen yaar-o
jab bhi dekho khafaa si lagti hai
mujhe ko yeh azn shayari bali
mere rab ki ataa si lagti hai
The post har ghaRri karbala si lagti hai appeared first on Ranjish.com.
aesi kaali jo raat aye gi
teri zulfon pe baat aye gi
tere daman main Daal doon ga main
gar khushi mere hath aye gi
mujh ko maloom tha yeh pehle se
mere hisse main maat aye gi
saari behes-en samaiTt doon lekin
darmiyan teri zaat aye gi
kaise chal pao ge kaho bali
har qadam par jo ghaat aye gi
The post aesi kaali jo raat aye gi appeared first on Ranjish.com.
ankh jaye ke ankh ka kajal jaye
khawb ka ik sira pata chal jaye
maine sadqa kiya ghuroor apna
sar se yeh ishq ki balaa Ttal jaye
The post ankh jaye ke ankh ka kajal jaye appeared first on Ranjish.com.
jurm -e- nakarda pe jab suli chaRrhayi gayi main
ibn -e- maryam ki tarah zinda uthayi gayi main
lene aye sabhi baRrh chaRrh ke balaa-en meri
ik tamasha saja, dulhan si sajayi gayi main
kabhi tezab chiRak kar mujhe sharmaya gaya
kabhi choolhe ki karamat se jalayi gayi main
bibi zahra ki ridaa aa paRri shanon pe mere
nange sar jab kabhi galiyon main ghumayi gayi main
hashr main ho ga mere hath girebaan tera
ae zamane tere hathon woh satayi gayi main
The post jurm -e- nakarda pe jab suli chaRrhayi gayi appeared first on Ranjish.com.
ae meer ke dukh ! meri banhon main samaa ja
ae shokhi -e- ghalib ! lab -o- rukhsar pe chha ja
ae jaun ki masti ! meri ankhon se guzar ja
nasir ki udasi ! meri janib ko safar kar
The post ae meer ke dukh ! meri banhon main samaa ja appeared first on Ranjish.com.
silsila khatam hua jalne jalane wala
ab koi khawb nahin neend uRrane wala
yeh woh sehraa hai sujhaye na agar tu rasta
khaak ho jaye yahan khaak uRrane wala
kya kare ankh jo pathrane ki khawhish na kare
khawb ho jaye agar khawb dikhane wala
yaad ata hai ke main khud se yahin bichRra tha
yahi rasta hai tere sheher ko jane wala
ae hawa us se yeh kehna ke salamat hai abhi
tere phoolon ko kitabon main chupane wala
zindagi apni andheron main basar karta hai
tere anchal ko sitaron se sajane wala
sabhi apne nazar ate hain bazahir lekin
roothne wala hai koi na manane wala
le gayin door bohat door hawa-en jis ko
wohi badal tha meri pyas bujhane wala
The post silsila khatam hua jalne jalane wala appeared first on Ranjish.com.
thehri thehri si tabiyat main rawani ayi
aj phir yaad mohabbat ki kahani ayi
aj phir neend ko ankhon se bichaRrte huye dekha
aj phir yaad koi choTt purani ayi
mudatton baad chala un pe hamara jadu
mudatton baad humen baat banani ayi
mudatton baad pasheman hua dariya se
mudatton baad humen pyas chupani ayi
mudatton baad khuli vusat -e- sehraa hum par
mudatton baad humen khaak uRrani ayi
mudatton baad muyassar hua maan ka anchal
mudatton baad humen neend suhani ayi
itni asani se milti nahin fun ki daulat
Dhal gayi umar to ghazlon pe jawani ayi
The post thehri thehri si tabiyat main rawani ayi appeared first on Ranjish.com.
zard chehra hai mera zard bhi aesa wesa
hijr ka dard hai aur dard bhi aesa wesa
aesi thanDdak ki jammi barf har ik khawhish par
sard lehja tha koi sard bhi aesa wesa
ab woh fursat -e- ahwaal muyassar hi nahin
woh jo hamdard tha hamdard bhi aesa wesa
yaani us dhool ke chooTtne pe bhi ilzam -e- junoon
koi tufan hai pas -e- gard bhi aesa wesa
puri basti main bas ik shakhss se nisbat mujh ko
mujh se munkir hai woh ik fard bhi aesa wesa
ishq ne rail ki paTtri pe liTtaya jis ko
tha jawan-mard , jawan-mard bhi aesa wesa
kya tujhe hijr ke azaar bataye komal
tu to bedard hai bedard bhi aesa wesa
The post zard chehra hai mera zard bhi aesa wesa appeared first on Ranjish.com.
main apne sath bitati hoon roz sham ka waqt
ke waqt -e- assr hai khud se mere kalaam ka waqt
tamam din jahan chaho raho khuda ke liye
kisi ke naam na karna hamare naam ka waqt
allam baghawat-on ka kar liya buland magar
kaTte ga dekhna zindaan main ghulaam ka waqt
bas us ke baad to bachte hain sirf pachtawe
yahi hai dost raunat ki rok thaam ka waqt
khuda kare ke main kar doon maaf dil se usse
khuda na laye kabhi mujh pe intiqaam ka waqt
hamare rizq ka daromadar hum par hai
ke thora ishq ka rakha hai, baaqi kaam ka waqt
The post main apne sath bitati hoon roz sham ka waqt appeared first on Ranjish.com.
woh shakhss ab mere ehbaab main nahin shamil
meri shikayat-en us shakhss se kare na koi
talluq-aat ko bas is maqam par rakhiye
kisi ko choRrna paRr jaye to mare na koi
The post woh shakhss ab mere ehbaab main nahin shamil appeared first on Ranjish.com.
qissa -e- khoobi -e- kharab pe daad
mumtahin, ishq ke nisaab pe daad
phir wohi ik sawal qurbat ka
phir tere jhoot ke jawab pe daad
is bure waqt main bhala sa laga
jagti chashm -e- namm ke khawb pe daad
ishq hai aur behisaab bhi hai ?
yaar, is lafz behisaab pe daad
aap ka intikhab komal hai ?
ap ke husn -e- intikhab pe daad
The post qissa -e- khoobi -e- kharab pe daad appeared first on Ranjish.com.
raat main chain se so nahin paya
chowkidar jo jaag rahe thay
The post raat main chain se so nahin paya appeared first on Ranjish.com.
yeh hijr lagne laga aarzi judai mujhe
kayi mahinon ke baad us ki call ayi mujhe
hazar zaiqe us rass bhari zaban main thay
jab us ne meri ghazal raat bhar sunayi mujhe
main cigretton ki tarah dair tak sulagta rahoon
jalaye tere labon ki dia-salayi mujhe
usse khabar hui beemar mar gaya hai tera
woh choRr chaRr ke sab dekhne ko ayi mujhe
shifaa naseeb se milte hai sau mile na mile
tumhare hath se milti rahe dawayi mujhe
The post Yeh hijr lagne laga aarzi judai mujhe appeared first on Ranjish.com.
maine mausam badalte dekha hai
us ke aangan main aane jaane par
The post Maine mausam badalte dekha hai appeared first on Ranjish.com.
apni deewar main bhi tujh se dareecha na bana
is liye to mere dil tak tera rasta na bana
qad main choTte hain magar mujh se bari nafrat hai
paiRr ko kehte hain us ke liye saya na bana
itne to yaar tere hum bhi chalan jante hain
bagh yeh sabz dikha kar humen sehraa na bana
roz mujh se yeh adakari nahin ho sakti
is liye mera jahan bhar main tamasha na bana
zindagi kya hai batana tha kisi ko maine
likhne betha hoon to us par koi jumla na bana
kitni naslain yehi kehte huye mar jayen gi
agle logon se kabhi acha zamana na bana
aayina samne hote huye un se adis
koi chehra na bana koi shanasa na bana
The post apni deewar main bhi tujh se dareecha na bana appeared first on Ranjish.com.
jaise wahan se rasta nikal aye ga abhi
main aese dekhta raha deewar ki taraf
The post Jaise wahan se rasta nikal aye ga abhi appeared first on Ranjish.com.
Posts
All Comments
usa blog Copyright © 2011 | Template design by O Pregador | Powered by Blogger Templates
