tum se ik rasam tak nahin tooti

tum se ik rasam tak nahin tooti
baat karte they tum sitaron ki

The post tum se ik rasam tak nahin tooti appeared first on Ranjish.com.

from Ranjish.com https://ift.tt/3rEdLp1

kisi ke honTon pe ayi hansi ko dukh mat do

kisi ke honTon pe ayi hansi ko dukh mat do
kisi ka dil mat dukhao kisi ko dukh mat do

khuda ki marzi samajh kar mujhe bhula do bas
zara si baat pe ab zindagi ko dukh mat do

guzar chuka hai yeh kirdar is kahani se
sadaa-en de ke meri khamshi ko dukh mat do

gali gali main tamasha lagaye phirte ho
jadeed sher kaho shayari ko dukh mat do

The post kisi ke honTon pe ayi hansi ko dukh mat do appeared first on Ranjish.com.

from Ranjish.com https://ift.tt/3wezjvW

tumhara hijr manaya to main akela tha

tumhara hijr manaya to main akela tha
junoon ne hashr uthaya to main akela tha

koi hussaini na nikla mere rafeeq-on se
dia bhuja ke jalaya to maine akela tha

The post tumhara hijr manaya to main akela tha appeared first on Ranjish.com.

from Ranjish.com https://ift.tt/3fq3A4X

baat darasal woh nahin thi yaar

baat darasal woh nahin thi yaar
woh magar kitni dilnasheen thi yaar

mera baTtwa kidhar gaya akhir
meri ainak yahin kahin thi yaar

khawb rakhe they jis jagah maine
neend rakhi hui wahin thi yaar

jab talak baap mera zinda tha
mere qadam-on taley zameen thi yaar

The post baat darasal woh nahin thi yaar appeared first on Ranjish.com.

from Ranjish.com https://ift.tt/3sxHe58

aik kohraam bapaa hai mujhe main

aik kohraam bapaa hai mujhe main
jane kya TooT gaya hai mujh main

tum chale aao bina dastak ke
aik darwaza khula hai mujh main

rang -o- khushbu se bhara rehta hoon
tu hai ya phool khila hai mujh main

zindagi tujh ko hai jana jab se
khauf sa beth gaya hai mujh main

main to raazi tha teri bait par
par koi bol paRra hai mujh main

ab wohi thookta rehta hoon main
tum ne jo zeher bhara hai mujh main

dil ke abaad nagar tha bali
ab to veeran paRra hai mujh main

The post aik kohraam bapaa hai mujhe main appeared first on Ranjish.com.

from Ranjish.com https://ift.tt/3m6jdjp

zeher aesa tha kuch zaban-on main

zeher aesa tha kuch zabaan-on main
teer hote hain jaise kamaan-on main

maazrat hai jo meri baat-on se
farq aaya ho tere shaanon main

woh mohabbat to uTh gayi kab ki
tazkara reh gaya fasaanon main

khud ko dekhoon, tujhe, ke duniya ko
zindagi baTt gayi hai khaanon main

tu nahin hai magar teri awaz
ab bhi rass gholti hai kaan-on main

ab khuda bhi kisi ko yaad nahin
paRr gaye log kin gumaan-on main

daaj pyara hai un ko dulhan se
yeh riwayat hai kuch gharanon main

sheher veeran ho gaya sara
log ab band hain makaan-on main

waizon ki suno magar bali
ungliyan de ke apne kaan-on main

The post zeher aesa tha kuch zaban-on main appeared first on Ranjish.com.

from Ranjish.com https://ift.tt/39raIdB

har ghaRri karbala si lagti hai

har ghaRri karbala si lagti hai
zindagi ab saza si lagti hai

baat us ke lab-on se nikle to
narawaa bhi rawaa si lagti hai

dil kisi tarah manta hi nahin
par mujhe bewafa si lagti hai

zulf lehrayi hai zaroor us ki
yeh jo kaali ghaTta si lagti hai

Aesi qismat mili humen yaar-o
jab bhi dekho khafaa si lagti hai

mujhe ko yeh azn shayari bali
mere rab ki ataa si lagti hai

The post har ghaRri karbala si lagti hai appeared first on Ranjish.com.

from Ranjish.com https://ift.tt/3dnw4JI

aesi kaali jo raat aye gi

aesi kaali jo raat aye gi
teri zulfon pe baat aye gi

tere daman main Daal doon ga main
gar khushi mere hath aye gi

mujh ko maloom tha yeh pehle se
mere hisse main maat aye gi

saari behes-en samaiTt doon lekin
darmiyan teri zaat aye gi

kaise chal pao ge kaho bali
har qadam par jo ghaat aye gi

The post aesi kaali jo raat aye gi appeared first on Ranjish.com.

from Ranjish.com https://ift.tt/3dznVlV

ankh jaye ke ankh ka kajal jaye

ankh jaye ke ankh ka kajal jaye
khawb ka ik sira pata chal jaye

maine sadqa kiya ghuroor apna
sar se yeh ishq ki balaa Ttal jaye

The post ankh jaye ke ankh ka kajal jaye appeared first on Ranjish.com.

from Ranjish.com https://ift.tt/3dnjdrd

jurm -e- nakarda pe jab suli chaRrhayi gayi

jurm -e- nakarda pe jab suli chaRrhayi gayi main
ibn -e- maryam ki tarah zinda uthayi gayi main

lene aye sabhi baRrh chaRrh ke balaa-en meri
ik tamasha saja, dulhan si sajayi gayi main

kabhi tezab chiRak kar mujhe sharmaya gaya
kabhi choolhe ki karamat se jalayi gayi main

bibi zahra ki ridaa aa paRri shanon pe mere
nange sar jab kabhi galiyon main ghumayi gayi main

hashr main ho ga mere hath girebaan tera
ae zamane tere hathon woh satayi gayi main

The post jurm -e- nakarda pe jab suli chaRrhayi gayi appeared first on Ranjish.com.

from Ranjish.com https://ift.tt/3ft38my

ae meer ke dukh ! meri banhon main samaa ja

ae meer ke dukh ! meri banhon main samaa ja
ae shokhi -e- ghalib ! lab -o- rukhsar pe chha ja

ae jaun ki masti ! meri ankhon se guzar ja
nasir ki udasi ! meri janib ko safar kar

The post ae meer ke dukh ! meri banhon main samaa ja appeared first on Ranjish.com.

from Ranjish.com https://ift.tt/3dlxXqA

silsila khatam hua jalne jalane wala

silsila khatam hua jalne jalane wala
ab koi khawb nahin neend uRrane wala

yeh woh sehraa hai sujhaye na agar tu rasta
khaak ho jaye yahan khaak uRrane wala

kya kare ankh jo pathrane ki khawhish na kare
khawb ho jaye agar khawb dikhane wala

yaad ata hai ke main khud se yahin bichRra tha
yahi rasta hai tere sheher ko jane wala

ae hawa us se yeh kehna ke salamat hai abhi
tere phoolon ko kitabon main chupane wala

zindagi apni andheron main basar karta hai
tere anchal ko sitaron se sajane wala

sabhi apne nazar ate hain bazahir lekin
roothne wala hai koi na manane wala

le gayin door bohat door hawa-en jis ko
wohi badal tha meri pyas bujhane wala

The post silsila khatam hua jalne jalane wala appeared first on Ranjish.com.

from Ranjish.com https://ift.tt/3sBhYv1

thehri thehri si tabiyat main rawani ayi

thehri thehri si tabiyat main rawani ayi
aj phir yaad mohabbat ki kahani ayi

aj phir neend ko ankhon se bichaRrte huye dekha
aj phir yaad koi choTt purani ayi

mudatton baad chala un pe hamara jadu
mudatton baad humen baat banani ayi

mudatton baad pasheman hua dariya se
mudatton baad humen pyas chupani ayi

mudatton baad khuli vusat -e- sehraa hum par
mudatton baad humen khaak uRrani ayi

mudatton baad muyassar hua maan ka anchal
mudatton baad humen neend suhani ayi

itni asani se milti nahin fun ki daulat
Dhal gayi umar to ghazlon pe jawani ayi

The post thehri thehri si tabiyat main rawani ayi appeared first on Ranjish.com.

from Ranjish.com https://ift.tt/3fpI93Z

zard chehra hai mera zard bhi aesa wesa

zard chehra hai mera zard bhi aesa wesa
hijr ka dard hai aur dard bhi aesa wesa

aesi thanDdak ki jammi barf har ik khawhish par
sard lehja tha koi sard bhi aesa wesa

ab woh fursat -e- ahwaal muyassar hi nahin
woh jo hamdard tha hamdard bhi aesa wesa

yaani us dhool ke chooTtne pe bhi ilzam -e- junoon
koi tufan hai pas -e- gard bhi aesa wesa

puri basti main bas ik shakhss se nisbat mujh ko
mujh se munkir hai woh ik fard bhi aesa wesa

ishq ne rail ki paTtri pe liTtaya jis ko
tha jawan-mard , jawan-mard bhi aesa wesa

kya tujhe hijr ke azaar bataye komal
tu to bedard hai bedard bhi aesa wesa

The post zard chehra hai mera zard bhi aesa wesa appeared first on Ranjish.com.

from Ranjish.com https://ift.tt/3ruITak

main apne sath bitati hoon roz sham ka waqt

main apne sath bitati hoon roz sham ka waqt
ke waqt -e- assr hai khud se mere kalaam ka waqt

tamam din jahan chaho raho khuda ke liye
kisi ke naam na karna hamare naam ka waqt

allam baghawat-on ka kar liya buland magar
kaTte ga dekhna zindaan main ghulaam ka waqt

bas us ke baad to bachte hain sirf pachtawe
yahi hai dost raunat ki rok thaam ka waqt

khuda kare ke main kar doon maaf dil se usse
khuda na laye kabhi mujh pe intiqaam ka waqt

hamare rizq ka daromadar hum par hai
ke thora ishq ka rakha hai, baaqi kaam ka waqt

The post main apne sath bitati hoon roz sham ka waqt appeared first on Ranjish.com.

from Ranjish.com https://ift.tt/3weMNYG

woh shakhss ab mere ehbaab main nahin shamil

woh shakhss ab mere ehbaab main nahin shamil
meri shikayat-en us shakhss se kare na koi

talluq-aat ko bas is maqam par rakhiye
kisi ko choRrna paRr jaye to mare na koi

The post woh shakhss ab mere ehbaab main nahin shamil appeared first on Ranjish.com.

from Ranjish.com https://ift.tt/3sEx2rB

qissa -e- khoobi -e- kharab pe daad

qissa -e- khoobi -e- kharab pe daad
mumtahin, ishq ke nisaab pe daad

phir wohi ik sawal qurbat ka
phir tere jhoot ke jawab pe daad

is bure waqt main bhala sa laga
jagti chashm -e- namm ke khawb pe daad

ishq hai aur behisaab bhi hai ?
yaar, is lafz behisaab pe daad

aap ka intikhab komal hai ?
ap ke husn -e- intikhab pe daad

The post qissa -e- khoobi -e- kharab pe daad appeared first on Ranjish.com.

from Ranjish.com https://ift.tt/3rGzeOc

raat main chain se so nahin paya

raat main chain se so nahin paya
chowkidar jo jaag rahe thay

The post raat main chain se so nahin paya appeared first on Ranjish.com.

from Ranjish.com https://ift.tt/3u4N3r9

Yeh hijr lagne laga aarzi judai mujhe

yeh hijr lagne laga aarzi judai mujhe
kayi mahinon ke baad us ki call ayi mujhe

hazar zaiqe us rass bhari zaban main thay
jab us ne meri ghazal raat bhar sunayi mujhe

main cigretton ki tarah dair tak sulagta rahoon
jalaye tere labon ki dia-salayi mujhe

usse khabar hui beemar mar gaya hai tera
woh choRr chaRr ke sab dekhne ko ayi mujhe

shifaa naseeb se milte hai sau mile na mile
tumhare hath se milti rahe dawayi mujhe

The post Yeh hijr lagne laga aarzi judai mujhe appeared first on Ranjish.com.

from Ranjish.com https://ift.tt/3m1FTRN

Maine mausam badalte dekha hai

maine mausam badalte dekha hai
us ke aangan main aane jaane par

The post Maine mausam badalte dekha hai appeared first on Ranjish.com.

from Ranjish.com https://ift.tt/3dmCybQ

apni deewar main bhi tujh se dareecha na bana

apni deewar main bhi tujh se dareecha na bana
is liye to mere dil tak tera rasta na bana

qad main choTte hain magar mujh se bari nafrat hai
paiRr ko kehte hain us ke liye saya na bana

itne to yaar tere hum bhi chalan jante hain
bagh yeh sabz dikha kar humen sehraa na bana

roz mujh se yeh adakari nahin ho sakti
is liye mera jahan bhar main tamasha na bana

zindagi kya hai batana tha kisi ko maine
likhne betha hoon to us par koi jumla na bana

kitni naslain yehi kehte huye mar jayen gi
agle logon se kabhi acha zamana na bana

aayina samne hote huye un se adis
koi chehra na bana koi shanasa na bana

The post apni deewar main bhi tujh se dareecha na bana appeared first on Ranjish.com.

from Ranjish.com https://ift.tt/3mfys9P

Jaise wahan se rasta nikal aye ga abhi

jaise wahan se rasta nikal aye ga abhi
main aese dekhta raha deewar ki taraf

The post Jaise wahan se rasta nikal aye ga abhi appeared first on Ranjish.com.

from Ranjish.com https://ift.tt/3fugZJ8

maine socha hai raat bhar tum ko

maine socha hai raat bhar tum ko
kash ho jaye yeh khabar tum ko

zindagi main kabhi kisi ko bhi
maine chaha nahin magar tum ko

janti hoon ke tum nahin maujood
dhoondti hai magar nazar tum ko

tum bhi afsos rah-rau nikle
main to samjhi thi humsafar tum ko

mujh main ab main nahin rahi baaqi
maine chaha hai is qadar tum ko

The post maine socha hai raat bhar tum ko appeared first on Ranjish.com.

from Ranjish.com https://ift.tt/3sEAgLU

aa jata hai khud pas bulana nahi paRrta

aa jata hai khud pas bulana nahi paRrta
milne ke liye hath hilana nahin paRrta

kuch aesi sahulat se makeen dil main hua woh
mujh ko bhi meri zaat se jana nahin paRrta

yeh khas riyayet hai ke ab des main apne
gham muft main milta hai kamana nahin paRrta

is sheher se us sheher talak seedhi saRrak hai
filhal to raste main zamana nahin paRrta

afsana -e- hasti bhi bohat khoob hai jis main
kirdar koi sa bhi nibhana nahin paRrta

ik karb -e- musalsal ke mera pehlu-nasheen hai
ik lutf -e- daruun jis ko gavana nahin paRrta

ab loha ugate hain darakhton ki jagah hum
koyal ko bhi ab shor machana nahin paRrta

The post aa jata hai khud pas bulana nahi paRrta appeared first on Ranjish.com.

from Ranjish.com https://ift.tt/31vIJF5

Ae ranj-e-agahi koi chaara to hoga na

Ae ranj-e-agahi koi chaara to hoga na
chal khush na reh saken ge guzara to hoga na

yeh arzu bhi waqt ke dhaare main beh gayi
ab naa sahi kabhi woh hamara to hoga na

jati hai jo mataa -e- dil -o- jaan to kya malaal
yeh ishq ki dukan hai khasara to hoga na

har aan jis ka zikr hai us beniaz ne
bhoole se mera naam pukara to hoga na

main zaad -e- rah ke taur pe bas khawb layi hoon
ae hamsafar tujhe yeh gavara to hoga na

kya ajnabi banen ge agar phir kabhi mile
kya baat bhi na hogi ishara to hoga na

karna karana choRr zabaani hi sath de
tinke ka ho agarche sahara to hoga na

The post Ae ranj-e-agahi koi chaara to hoga na appeared first on Ranjish.com.

from Ranjish.com https://ift.tt/39m6VOp

Sitaare ki tarah tooti hui hoon

zameen par is liye hi aa giri hoon
sitaare ki tarah tooti hui hoon

main khud ko maarne pe tul chuki thi
main khud se bhaag kar zinda bachi hoon

duhaayi de raha hai mera malba
main teri ankh main bikhri paRri hoon

mujhe taskheer karna tha zamana
main apne hi muqabil aa gayi hoon

teri surat nigahon main bassi hai
main duniya main tujhi ko dekhti hoon

The post Sitaare ki tarah tooti hui hoon appeared first on Ranjish.com.

from Ranjish.com https://ift.tt/39noEoV

Dil ka jab dil se rabta hoga

dil ka jab dil se rabta hoga
shor dhaRrkan main phir bapaa hoga

koi aesa bhi mojza hoga
jab mere haq main faisla hoga

loh-e-dil par jo likh diya tum ne
is ka izhaar barmala hoga,

meri sochon hai wahi mehvar
kya mujhe bhi woh sochta hoga

muskurahat main ik nazakat hai
us pe rang-e-hayaa chaRrha hoga

aaj woh dil ko thaam kar guzra
zakham koi naya laga hoga

jis main tehreer they sabhi vaade
us ne woh khat jalaa diya hoga

ratjage deke meri ankhon ko
raat bhar woh bhi jagta hoga

yeh jabeen par hai jo chamak ushba
chaand chehre ko choomta hoga

The post Dil ka jab dil se rabta hoga appeared first on Ranjish.com.

from Ranjish.com https://ift.tt/3db7DPL

Samajh na paayi ke kya be-muhaar chahta tha..

samajh na paayi ke kya be-muhaar chahta tha
ajeeb shakhss tha khud se faraar chahta tha

woh meri arz bhi hukman shumaar karne laga
woh har tarah se mera aitbaar chahta tha

usay qabool thi wese to meri majboori
magar woh mujh pe zara ikhteyar chahta tha

jawan dilon ke marahil to tey kiye saray
magar woh vasl main kuch intezar chahta tha

tamaniyat na mili mujh ko phir kisi surat
ke mera dil bhi to hona figaar chahta tha

kabhi na ashk bahao gi mujh se vaada karo
woh pyar main bhi faqat iqtidaar chahta tha

bas ik anaa thi ke jis na dabo diya us ko
magar woh phir bhi ussi ka hisaar chahta tha

sabhi charagh e mohabbat bhuja diye us ne
ke woh hawa pe bhi hona sawaar chahta tha

woh thak geya tha mohabbat ki arzu karte
bichaRr ke mujh se woh shayad qaraar chahta tha

yeh dastaan bhi usi shakhss ne likhi ushba
taveel qisse main jo ikhtisaar chahta tha

The post Samajh na paayi ke kya be-muhaar chahta tha.. appeared first on Ranjish.com.

from Ranjish.com https://ift.tt/3das6V0