0
comments
Chali hai naseem-e-sahar dheere dheere,
Gulon main kare gi assar dheere dheere,
Tumhari mohabbat main hum mar mitten ge,
Magar tum ko ho gi khabar dheere dheere,
Mujhe aesi umeed tum se nahin thi,
Ke tum pher lo ge nazar dheere dheere,
Lagi aag ulfat ki dono ke dil main,
Idhar dheere dheere, udhar dheere dheere.
The post Chali hai naseem-e-sahar dheere dheere.. appeared first on Ranjish.com.
Daulat ke jo nashe main yahan choor ho gaye,
Woh log manzilon se bohat door ho gaye,
Duniya hamare naam ko pehchanti naheen,
Hum to tumhare naam se mashoor ho gaye,
Kal shaam ki teri yaad ki aesi hawaa chali,
Jitne bhi gham qareeb thay sab door ho gaye,
Yeh kya hua ke sheher ka manzar badal gaya,
Jitne bhi thay charagh woh be-noor ho gaye,
Din raat hum kisi ke tasawur main khoye hain,
Duniya samajh rahi hai ke maghroor ho gaye,
Lo aaj jang hum ne mohabbat ki jeet li,
Hum un ko aur woh humen manzoor ho gaye..
The post Daulat ke jo nashe main yahan choor ho gaye.. appeared first on Ranjish.com.
Roothe to sheher-bhar main tamasha nahin kiya,
Duniya ke samne tujhe ruswaa nahin kiya,
Kab kon hans ke milta hai apne raqeeb se,
Hum ne tumhare pyar main kya kya nahin kiya,
Yeh dosti nikkah main badlen ge aik din,
Yunhi tumhare vaaste kharcha nahin kiya,
Ghusse main gaaliyan bhi woh deta to khair thi,
Par us ne phone kaat kar acha nahin kiya..
The post Roothe to sheher-bhar main tamasha nahin kiya.. appeared first on Ranjish.com.
Pyar ka hum paigham sunaane wale hain,
Nafrat ko hum duniya se mittane wale hain,
Hindu muslim sab ka aik hi naara hai,
Sab hi watan par jaan luttane wale hain..
The post Pyar ka hum paigham sunaane wale hain.. appeared first on Ranjish.com.
Akele beth kar tum ko kabhi jab yaad karti hoon,
main rona, muskurana haye dono sath karti hoon,
yaheen sofe pe bethe saat ambar ghoom aati hoon,
tumhara naam chakhti hoon nashe main jhoom jati hoon,
kahan hoon main jahan meri khabar mujh tak nahin ati,
gali dil ki tumhari yaad se abaad karti hoon,
tera jana meri ankhon main pyase khawb bota hai,
tera takiya lipaTt kar mujh se sari raat sota hai,
teri khushbu meri sanson ki galiyon main tehelti hai,
bari kambakht hai yeh yaad ankhon main pighalti hai,
main sari raat sona jaagna ik sath karti hoon,
teri baaton ke phoolon se ghazal makhdoom karti hoon,
main chupke se teri DP ko jab bhi zoom karti hoon,
tere phooke huye cigarette main aksar raakh hoti hoon,
teri lat main kabhi dhuan kabhi khaak hoti hoon,
main apne zakham par ashkon ki khud barsaat karti hoon..
The post Akele beth kar tum ko kabhi jab yaad karti hoon.. appeared first on Ranjish.com.
woh jis par us ki rehmat ho, woh daulat mangta hai kya,
mohabbat karne wala dil, mohabbat mangta hai kya,
tumhara dil kahe jab bhi ujaala ban ke aa jana,
kabhi ugtaa hua suraj ijazat mangta hai kya..
The post Woh jis par us ki rehmat ho, woh daulat mangta hai kya.. appeared first on Ranjish.com.
jo pehle shaad karta tha, woh ab nashaad karta hai,
na ab woh dil dhaRrakta hai, na ab fariyad karta hai,
alag hai tu, alag masroofiyat ke hain tere andaz,
tujhe yeh tak nahin hai yaad, koi yaad karta hai..
The post jo pehle shaad karta tha, woh ab nashaad karta hai.. appeared first on Ranjish.com.
tumhe lagta hai mere ho , magar mere nahin ho tum,
yaqeen kitna bhi dilwao, magar mere nahin ho tum,
meri har subh par qabza, meri har shaam par qabza,
mere har khawb main to ho, magar mere nahin ho tum..
The post Tumhe lagta hai mere ho, magar mere nahin ho tum.. appeared first on Ranjish.com.
jo neend main ho, ya jagte ho,
palak pe sapne mere hi rakhna,
sawal dil main koi na rakhna,
jawab dil main bhale hi rakhna,
jo ho zaroori tumhara jana,
to jate jate baat sun lo,
khayal rakhna magar ae jana,
khayal main bas mujhe hi rakhna..
The post Jo neend main ho, ya jagte ho.. appeared first on Ranjish.com.
woh shakhss ba-ammal tha magar zid pe aRr gaya,
apnon se door ho ke museebat main paRr gaya,
miTti se apni jo bhi wafayen na kar saka,
woh paiRr andhiyon main jaRron se ukhaRr gaya,
us ne bhi sab ke sath meri ki mukhalfat,
jis ke liye main sare zamane se laRr gaya,
jis din mere urooj ki us ne khabar suni,
us din se us ka zehni tawazan bigaRr gaya..
The post Woh shakhss ba-amal tha magar zid pe aRr gaya.. appeared first on Ranjish.com.
ghoomte phirte kidhar agaya main,
yeh to lagta hai ke ghar agaya main,
acha khaasa woh khaRra hans raha tha,
aur phir us ko nazar agaya main,
aap maathe pe shikan mat daalen,
ghair-danista idhar agaya main..
The post Ghoomte phirte kidhar agaya main.. appeared first on Ranjish.com.
woh mujh main is tarah se runama ho kar chala jaye,
ke jaise bekhayali main koi manzar chala jaye,
mujhe marna gawara hai magar phir hadsa yuun ho,
kise ke pas bhoole se mera number chala jaye,
achanak se mile woh aur pooche haal kaisa hai,
jawaban ankh main meri koi kankar chala jaye,
suna to hai tawazan naam ki bhi cheez hoti hai,
to kyun na hath main le kar saghar, chala jaye,
ali wala hoon sau talwar ki hajat nahin mujh ko,
nihata choRr kar mujhe lashkar beshak chala jaye,
zara mushkil nahi hai aj kal to hukmrani bhi,
jise bhi raaj karna hai sar-e-mimbar chala jaye,
khuda ke naam par bandon ko itna mat hirasaan kar,
kahin aesa na ho yun ik na ik ddar chala jaye,
sahulat se jise kafir samajh kar maar dete ho,
bane ga kya agar jannat main woh kafir chala jaye..
The post Woh mujh main is tarah se runama ho kar chala jaye, appeared first on Ranjish.com.
Hudood-e-sheher-e-talismat se nikal jaye,
aseer-e-khaak samawaat se nikal jaye,
maza to phir hai ab yuun ho us kahani main,
charagh se nahin jinn hath se nikal jaye,
main har kisi se mohabbat se milne lagta hoon,
agar yeh aeb meri zaat se nikal jaye,
woh janta hai mere hath main nahin kuch bhi,
use pata hai to phir ghaat se nikal jaye.
The post Hudood-e-sheher-e-talismat se nikal jaye.. appeared first on Ranjish.com.
Aik shakhss yahan mubtalaa-e-hairat hai,
jo aagahi main hai wo mawraye–hairat hai,
suna hai aj bhi woh mujh ko yaad karta hai,
par is khabar main khushi ke bajaye hairat hai,
mere sikhaye bhi shamil hain nuktaa-cheenon main,
baRrh gaye hain mere qadd se saye hairat hai,
Jahan se guzre woh har cheez theher jati hai,
faqat woh laRrki nahin saraye hairat hai,
yahan to koi baseerat-zada nahin milna,
chaar samt ajab se wabaye–hairat hai,
main un tamam manazir ka hoon bohat mamnoon,
ke jin ke husn ke sadqe baqaye hairat hai,
hawaas-bakhta hoon main sun ke teri batain,
rakhe hai tu bhi mohabbat pe raye, hairat hai,
humen tu itni musafat pe baad bhi na mila,
kisi ko mil gaya bethe bithaye hairat hai..
The post Aik shakhss yahan mubtlaa-e-hairat hai. appeared first on Ranjish.com.
yeh kin lamhaat main bethe huye hain,
shikaari ghaat main bethe huye hain,
baRrhaa kar hath us ko chhuu to lain hum,
magar aukaat main bethe huye hain,
sahulat se jo aage baRrh saken ge,
wohi khadshaat main bethe huye hain,
ali ke naam lewaon main bethe,
lage sadaat main bethe huye hain,
yahan par bethna banta nahi hai,
magar jazbaat main bethe huye hain,
mera kya hai chala jaon ga main to,
magar jo sath main bethe huye hain..
The post Yeh kin lamhaat main bethe huye hain.. appeared first on Ranjish.com.
shab-e-firaq ka manzar nahin badalne diya,
koi charagh jalaya na maine jalne diya,
hum is ka radd-e-ammal jante thay pehle se,
sau hum ne gaind zeyada nahin uchalne diya,
daleel us ke dareeche ki paish ki maine,
kisi ko patlee-galee se nahin nikalne diya..
The post Shab-e-firaq ka manzar nahin badalne diya.. appeared first on Ranjish.com.
tere baad koi bhi gham assar nahin kar saka,
Koi saaneha meri aankh tar nahin kar saka,
mujhe ilm tha mujhe kam paRre gi yeh roshni,
sau main inhisar charagh par nahin kar saka,
mujhe chaal chalne main dair ho gayi aur main,
koi aik mohra idhar udhar nahin kar saka,
mere aas paas ki muflisi, meri maazrat,
tera intizam main apne ghar nahin kar saka,
mujhe jhoot ke woh jawaaz paish kiye gaye,
kisi baat par main agar magar nahin kar saka..
The post Tere baad koi bhi gham assar nahin kar saka.. appeared first on Ranjish.com.
Hum ne tasveer jo bana li hai,
Kuch haqeeqat hai kuch khayali hai,
Tum udhar subah ghar se nikle thay,
Aur idhar shaam hone wali hai,
Dekhte dekhte mujhe us ne,
Chaaye t-shirt par giraa li hai,
Dhoondti hain tujhe meri ankhen,
Aur dhaRrkan teri sawali hai..
The post Hum ne tasveer jo bana li hai.. appeared first on Ranjish.com.
yeh weham jaane mere dil se kyun nikal nahin raha,
ke us ka bhi meri tarah jee sambhal nahin raha,
koi warq dikha jo ashq-e-khoon se tarbatar na ho,
koi ghazal dikha jahan woh daagh jal nain raha,
main aik hijr-e-be-muraad jhailta hoon raat din,
jo aese sabr ki tarah hai jis ka phall nahin raha,
tou ab mere tamam ranj mustaqil rahen ge kya,
tou kya tumhari khamoshi ka koi hall nahin raha ?
kaRri musafton ne kis ke paon shall nahin kiye ?
koi dikhao jo bichaRr ke hath mall nahin raha..
The post Yeh weham jaane mere dil se kyun nikal nahin raha. appeared first on Ranjish.com.
main kahin ja nahin raha lekin,
aap kya mere sath ayen ge ?
koi khiRrki khule gi raat gaye,
kayi apni muraad payen ge,
khul ke rone pe ikhteyar nahin,
hum koi jashn kya manayen ge ?
humen apni talash main mat bhej,
khaRri faslen ujaRr ayen ge..
The post Main kahin ja nahin raha lekin.. appeared first on Ranjish.com.
aap jaison ke liye is main rakha kuch bhi nahin,
lekin aesa to na kahiye ke wafa kuch bhi nahin,
aap kahiye to nibhate chale jayen ge magar,
is talluq main aziyat ke siwa kuch bhi nahin,
main kisi tarah bhi samjhota nahin kar sakta,
ya to sab kuch hi mujhe chahiye ya kuch bhi nahin,
ab main kya apni mohabbat ka bharam bhi na rakhoon,
maaan leta hoon ke us shakhss main tha kuch bhi nahin..
The post Aap jaison ke liye is main rakha kuch bhi nahin.. appeared first on Ranjish.com.
Jaate jaate teri aadat bhi chali jaye gi,
koi din jata hai yeh cHhat bhi chali jaye gi,
ghar basaye ga koi chain se jeene ke liye,
aur marne ki sahulat bhi chali jaye gi..
The post Jaate jaate teri adat bhi chali jaye gi.. appeared first on Ranjish.com.
oi itna pyara kaise ho sakta hai,
phir sare ka sara kaise ho sakta hai,
tujh se jab mil kar bhi udasi kam nahi hoti,
tere baghair guzara kaise ho sakta hai..
The post Koi itna pyara kaise ho sakta hai.. appeared first on Ranjish.com.
tootne par koi aye to phir aesa toote,
ke jisse dekh kar har dekhne wala toote,
Tu ise kis ke bharose pe nahin kaaat rahi,
charkh ko dekhne wali tera charkha toote,
apne bikhre huye tukRron ko samaiTTe kab tak,
aik insan ki khatir koi kitna toote,
koi tukRra teri ankhon main na chubh jaye kahin,
door ho ja ke mere khawb ka sheesha toote,
main kisi aur ko sochon to mujhe hosh aye,
main kisi aur ko dekhon to yeh nasha toote,
pas bethe huye yaron ko khabar tak na hui,
hum kisi baat pe is darja anokha toote,
itni jaldi to sambhalne ki tawaqoh na karo,
waqt hi kitna hua hai mera sapna toote,
daad ki bheek na maang ae mere ache shayar,
ja tujhe meri dua hai tera kaasa toote,
warna kab tak liye phirte rahe is ko jawad,
koi surat ho ke umeed se rishta toote..
The post Tootne par koi aye to phir aesa toote.. appeared first on Ranjish.com.
tum agar seekhna chaho mujhe batlaa dena,
aam sa fun to koi hai nahin tohfa dena,
aik hi shakhss hai jis ko yeh hunar ata hai,
rooth jane par fazaa aur bhi mehkaa dena,
bhaamp lena ke bohat waqt nahin us ke pas,
aur phir us ko kisi behas main uljha dena,
un bazurgon ka yehi kaam hua karta tha,
jahan khoobi nazar ayi use chamka dena,
husn duniya main isi kaam ko bheja gaya hai,
ke jahan aag lagi ho use bhaRrka dena,
dil batata hai mujhe aqal ki baatain kya kya,
banda pooche ke tera hai koi lena dena ?
Aur kuch yaad na rehta tha laRrayi main use,
haan magar mere guzishta ka hawala dena,
us ki fitrat main na tha tarq-e-talluq lekin,
dusre shakhss ko is nehj pe pohancha dena,
Janta tha ke bohat khaak uRraye ga meri,
koi asaan nahin tha use rasta dena,
yeh woh mansab hain jo apnon ko diye jate hain,
yaad kya rakhna aur bhula kya dena,
dil ka samaan koi khaak khareede us se,
yaad hi na rehta ho jise baqaya dena,
kya pata khud se chiRri jang kahan le jaye,
jab bhi yaad aon meri jaan ka sadqa dena,
baat karne se gurezan nazar ate hain lekin,
khatam hai hazrat-e-jawad pe luqma dena..
The post Tum agar seekhna chaho mujhe batlaa dena.. appeared first on Ranjish.com.
dil par pyar ki mohar laga kar bheja hai,
dair se hum ne aaj usse ghar bheja hai,
hum bhi gaon main shaam ko betha karte thay,
hum ko bhi halaat ne bahar bheja hai,
warna aik hujoom tha dil darwaze par,
tum ko sab se pehle andar bheja hai,
kal ik dost to dil ka haal sunaya tha,
us ne mujhe tumhara number bheja hai ,
saari raat laga ke us pe nazm likhi,
aur us ne bas acha likha kar bheja hai..
The post Dil par pyar ki mohar laga kar bheja hai.. appeared first on Ranjish.com.
tu agar khush hai mere rone main,
main wahan beth jaaon kone main,
dekhte ho yeh eent ka takiya,
aik arssa laga bhigone main,
jaag kar bhi tumhare khawb,
jaagne main maza na sone main..
The post Tu agar khush hai mere rone main.. appeared first on Ranjish.com.
jo tere jaisa nahin lag sakta,
woh humen acha nahin lag sakta,
tu ne deewar ajab khenchi hai,
kahin darwaza nahin lag sakta..
The post Jo tere jaisa nahin lag sakta.. appeared first on Ranjish.com.
guftugu main jab yahan par meri baari aye gi,
shor baRrh jaye ga aur awaz thoRri aye gi,
teri banhon ke ilawa main kahin sota nahin,
kis ko ghar door reh kar neend puri aye gi..
The post Guftugu main jab yahan par meri baari aye gi.. appeared first on Ranjish.com.
tamam khawhishen puri hon, aab-o-dana ho,
ab is main dil nahin lagta naya zamana ho,
kisi ki salgirah ho kisi ki barsi par,
kisi ka noha kisi aur ka tarana ho,
tamam gaon ikatha ho aik station par,
aur aik shakhss udhar sheher se rawana ho,
usi se poocho sharayet ke jis ke daryaa hain,
woh kya kare ke jise kuch na kuch ugana ho,
kisi se milne ki jaldi bhi ho humen zoraiz,
aur aik jalta hua sheher bhi bachana ho..
The post Tamam khawhishen puri hon, aab-o-dana ho.. appeared first on Ranjish.com.
lipatt ke soch ke neendain haraam karti hai,
tamaam shab teri hasrat kalaam karti hai,
hum hi woh ilm ke roshan charagh hain jin ko,
hawaa bujhati nahi hai salaam karti hai,
kisi bhi taur sikhati nahi hai azaadi,
mere huzoor, mohabbat ghulaam karti hai,
yeh sar ba-sajda kaha naik-dil tawaif ne,
khudaya shukar ke beti bhi kaam karti hai.
The post Lipatt ke soch ke neendain haram karti hai.. appeared first on Ranjish.com.
tere talash ke maaron ki neend puri ho,
zara to beth ke pairon ki neend puri ho,
jo aik jaage to dono ko iztiraab rahe,
jo aik soye to dono ki neend puri ho,
khuda to chahe ga khawbon main sab rahen masroof,
khuda to chahe ga bandon ki neend puri ho,
usi ki marzi hai kitnon ko chowkidaar rakhe,
usi ki marzi hai kitnon ki neend puri ho,
yeh roti pani ka jhagRra hai aur logon ka,
main chahta hoon ke logon ki neend puri ho,
visal kar ke judai ka naam tak na rahe,
phir itna jagain ke barson ki neend puri ho,
tera bichaRrna ke bas jagne ki doori pe hai,
to kaise khauf ke maaron ki neend puri ho..
The post Tere talash ke maaron ki neend puri ho.. appeared first on Ranjish.com.
yeh dukh nahin ke sheher main mera koi nahin,
yeh dukh ki baat hai ke kisi ka koi nahin,
uss ka bichaRrna le gaya hiss-e-mazaah tak,
hansne ki baat karta hoon hansta koi nahin,
zulm hota dekhne walon ki saff main hain,
afsos is hujoom main andha koi nahin,
lagta hai woh to sheheron ka ho kar hi reh gaya,
halanke janta tha ke hamara koi nahin,
din kya hua ke bhaag paRre daftron ki samt,
zoraiz sair-gahon main hota koi nahin..
The post Yeh dukh nahin ke sheher main mera koi nahin. appeared first on Ranjish.com.
tere baghair tere sath aik jaise thay,
ke hijr o vasl ke lamhaat aik jaise thay,
phir aik din woh sahar-khaiz mere pas aya,
wagarna mere bhi din raat aik jaise thay,
bichaRrne wale kisi aur ka kaha mat maan,
ke tere mere khayalaat aik jaise thay,
na chahne pe bhi aik dusre ke ho hi gaye,
dua alag thi magar hath aik jaise thay,
phir us ke baad khabar ayi woh bohat khush hai,
Juda huye thay to halaat aik jaise thay..
The post Tere baghair tere sath aik jaise thay.. appeared first on Ranjish.com.
Yeh vasl kya ke khuda toor hi jalaa de yaar,
Maza to jab hai ke woh arsh par jagah de yaar,
Main roz khawb main oonchi jagah se girta hoon,
Tu mujh ko choRrne wala hai to bata de yaar,
Yeh hijr-o-vasl ke qisse to sab ne likhe hain,
Tu sher baandh raha hai to kuch naya de yaar,
Tu mere baad unhe phir bula le mehfil main,
Bas aik baar mere samne utha de yaar,
Woh mera ho nahin sakta to ae musawwar sun,
Hamari sath main tasveer hi bana de yaar..
The post Yeh vasl kya ke khuda toor hi jalaa de yaar.. appeared first on Ranjish.com.
Sochti hai kabhi kabhi duniya,
Rabt purana hai aur nayi duniya,
Mujh ko phir se haseen lagne lagi,
Us ne is tarah paish ki duniya,
Jab talak tere khawb aate rahe,
Khoobsurat paRri lagi duniya,
Tere hathon se chhuu liya mahtaab,
Teri ankhon se dekh li duniya,
Mujh ko apni samajh nahin aati,
Aur upar se yeh teri duniya..
The post Sochti hai kabhi kabhi duniya.. appeared first on Ranjish.com.
Tum se bichaRr kar zinda hain,
Jaan bohat sharminda hain..
The post Tum se bichaRr kar zinda hain.. appeared first on Ranjish.com.
Tujhe matlab hai adaaa se teri,
Koi mar jaye balaa se teri,
Tu ne bandon ki kahan suNni hai,
Baat karta hoon khuda se teri.
The post Tujhe matlab hai adaaa se teri. appeared first on Ranjish.com.
Manaa lo ro ke rab ko iltijaa se,
Bacha le ga woh hum ko is wabaa se,
Dua hi kaam aati hai wahan phir,
Jo masla hall nahi hota dawaa se,
Gunahon se main ab bach kar rahoon ga,
Yeh vaada hai mera apne khuda se,
Khataa-karon ki pehli saff main hoon main,
Naheen mayuus par teri ataa se,
Hai satar maaon jesa pyar tera,
Humen mehfooz rakhna har balaaa se,
Tujhe tere nabi ka vaasta hai,
Karo bakhshish hamari har sazaa se,
Razzi, Husnain ka, Zahra, Ali ka,
Main sadqa mangta hoon Mustafa se.
The post Manaa lo ro ke rab ko iltijaa se.. appeared first on Ranjish.com.
Jahan par dosti ho us jagah anaayen kya,
Kahe agar tere pairon main beth jayen kya,
Jo naao paar gayi laut kar nahin aati,
Jo shakhss doob gaya hai usse bachayen kya,
Kisi ki yaad main jaagen sitare dekhen hum,
Sulag raha hai jo cigarette usse bhujayen kya,
Tumhare baad koi zakham kyun karen taaza,
Guzar chuka hai jo us par lahuu bahayen kya,
Kisi ki neend meri neend kese ho jaye,
Kisi ke khawb meri ankh main samayen kya..
The post Jahan par dosti ho us jagah anaayen kya.. appeared first on Ranjish.com.
Jo mere muqaddar main araam hai rahat hai,
Pooche jo koi keh doon sab maan ki badolat hai,
Jiss maan ko buRrhape main yeh duniya satati hai,
Qadmon main usi maan ke maloom hai jannat hai,
Sarkar-e-do-aalam ka farmaan rakho dil main,
Mazloom ke kaam aana yeh bhi to ibadat hai..
The post Jo mere muqaddar main araam hai rahat hai.. appeared first on Ranjish.com.
Lo mohabbat ki laaj rakhte hain,
Qadmon main dil ka taaj rakhte hain,
Yaad rakhna agar tum ho bare aadmi,
Hum bhi shaahi mizaaj rakhte hain..
The post Lo mohabbat ki laaj rakhte hain.. appeared first on Ranjish.com.
Teri dharkan hoon, tere pyar ka andaz hoon main,
Teri humraaz hoon main, teri humraaz hoon main,
Tu mere naam koi shaam suhaani likh de,
Dil ke kaghaz pe mohabbat ki kahani likh de,
Zindagani ke naye morr ka aghaaz hoon main,
Ab koi aur bahana na banane doon gi,
Tujh ko apne se kabhi door na jane doon gi,
Tu jise sun ke palat aye woh awaz hoon main,
Meri khawhish, mera jazba, mera armaan hai tu,
Main adhoori hoon tere bin meri pehchan hai tu,
Tu mera shahjahan hai, teri mumtaz hoon main,
Tere soye huye jazbaat jagana hai mujhe,
Teri awaz se awaz milana hai mujhe,
Dhun mohabbat ki jo nikale wohi saaz hoon main..
The post Teri dharkan hoon, tere pyar ka andaz hoon main.. appeared first on Ranjish.com.
Pur-aman zindagi ki himayat kiya karo,
Nafrat buri balaa hai mohabbat kiya karo,
Ik baat aaj tum ko batati hoon kaam ki,
Izaat jo chahte ho to izzat kiya karo..
The post Pur-aman zindagi ki himayat kiya karo.. appeared first on Ranjish.com.
Posts
All Comments
usa blog Copyright © 2011 | Template design by O Pregador | Powered by Blogger Templates
