Tooti hai meri neend magar tum ko is se kya,
Bajte rahen hawaaon se dar tum ko is se kya,
Tum mauj mauj misl-e-sabaa ghoomte raho,
Katt jayen meri soch ke par tum ko is se kya,
Auron ka hath thamo unhe rasta dikhao,
Main bhool jaon apna hi ghar tum ko is se kya,
Abr-e-gurez-e-paa ko barasne se kya gharaz,
Seepi main ban na paaye gohar tum ko is se kya,
Le jayen mujh ko maal-e-ghaneemat ke sath aduu,
Tum ne to daal di hai sipar tum ko is se kya,
Tum ne to thak ke dasht main khaimay laga liye,
Tanha katte kisi ka safar tum ko is se kya..
The post Tooti hai meri neend magar tum ko is se kya ? appeared first on Ranjish.com.
from Ranjish.com https://ift.tt/2m4hTiu
Posts
