BhaRrkaen meri pyaas ko aksar teri aankhen
Sehraa mera chehra hai samandar teri aankhen
Phir bhala kon unhen daad-e-tabassum de ga
Royen gi bohat mujh se bichar ker teri aankhen
Bojhal nazar aati hain bazahir mujhe lekin
Khulti hain bohat dil main utar ker teri aankhen
Ab tak meri yaadon se mitaye nahi mit-ta
Bheegi hoi ek shaam ka manzar teri aankhen
Mumkin ho tu ik taaza ghazal aur bhi keh loon
Phir oorrh na lain khawb ki chadar teri aankhen
Yoon dekhte rehna usay acha nahi mohsin
Wo kanch ka paikar hai to pathat teri aankhen
The post BhaRrkaen meri pyaas ko aksar teri aankhen.. appeared first on Ranjish.com.
from Ranjish.com https://ift.tt/2NZUKL2
Posts
